नीति - सार, ke sampaadak ke shabd : su aur ukti kee sandhi se bane ‘ sookti shabd ka arth hai sundar kathan , maarmik vachan , shikshaaprad vachan , saty vaanee , madhur vaanee , saty gyaan aadi . sookti ko hee subhaashit , neeti - vachan tatha neeti - vaaky bhee kahate hain . neeti - vachan ka arth hai , vah vachan jisamen koee kaam achchhee tarah karane kee yukti batalaayee gayee ho . neetipoorvak koee kaam nahin karane se hamaara kaam bigad jaata hai aur hamapar sankat bhee aa jaata hai . sooktiyaan hamen batalaatee hain ki ham saamaajik vyavahaar tatha kaam kaise karen , jeevan mein unnati kaise karen aur sansaar mein shantipoorvak kaise jien . apana kalyaan chaahanevaale vyakti ko praacheen sanskrt - granthayon ka adhyayan avashy karana chaahie . neeti - saar naanee prastut pustak mein 445 sooktiyon ka sankalan kiya gaya hai . ye saaree - kee - saaree sooktiyaan jin sankalanon se lee gayee hain ,