Dhaarmik shiksha naamnee is saataveen pustak mein bhee meree hee 787 sooktiyon ka sankalan kiya gaya hai . ye sooktiyaan shuchyaachaar , shishtaachaar , saamaajik vyavahaar , neeti , manovigyaan , saty niyam , adhyaatm - gyaan aur moksh - dharm aadi vishayon se sambandh rakhatee hain . pustak kee jo baaten sadgranthon ke vachanon se mel khaatee hon , samajhana chaahie ki ve mere svaadhyaay se praapt baaten hain athava aisa bhee samajhana chaahie ki saty par kisee ek vyakti ka adhikaar nahin hota ; jo saty ek vyakti ko anubhoot ho sakata hai , vah doosare ko bhee anubhoot ho sakata hai .